ماجيت أطلبك ترد لـي واترجـاك
ولا جيت اطلب الرضاء من عيونك
جيتك أقول اليوم أنـا مـا ابغـاك
رد لـي قلبـي وخلـك بكـونـك
لي عـزه نفـس وقيمـه تعـداك
ولي رجاحة عقل ما تطاوع جنونك
ولي قدر يا صغير القـدر يعـلاك
ولي همـه اكبـر مـن ظنونـك
أنـا أبرحـل وتركـك وتناسـاك
وأتركك مع ناس تحسبهـم يبونـك
ولا تحسب إني بيوم بحن لذكـراك
والله مارجع للجـروح وطعونـك
ولا تحسب إني ما اقدر أعيش بلياك
ولا اقدر أكمل رحله العمر بدونـك
غـرك نـداء الحسـاد هـذا وذاك
وهزت رياح الجفاء عالي غصونك
يا كيف تبيع اللي بالغالـي شـراك
وارخص المال والروح من دونـك
خمس سنين وقلبي في وسط يمناك
تلعبه على كيفك وأقـول مفتونـك
ايام وليالي منيتـي بـس رضـاك
تطلب وتآمر وأقـول يـا عونـك
لكـن جرحتنـي بقولتـك بنسـاك
ودور لك ارض تلتقـي مزونـك
وبانت لي يا لردي خافي نوايـاك
ولا صنت قلـب دايـم يصونـك
والله ثـم والله لحـرق حـشـاك
وارد لك كل الجـروح وطعونـك
اعرف أنا طبـك واعـرف دواك
واعرف اذوقك العذاب باقي سنونك
واليوم أبرحـل عنـك وأتحـداك
ما تحن لشوفتي وتدمـع عيونـك